Willem Vermandere – Van De Liefde (Guitar)

G                               D        G
Der zijn van die zangers die de liefde bezingen,

     D                      G
Lijk dat wij klappen van ’t were,

   C                      G
Ze lopen de poten van hun gat,

                             D
En hun herte 't slaat weg en were,

              C                    G
Hun herte och God 't slaat open en toe,

   A7              D   D7
Ze bibberen op hun beên,

        G                              C
Want 't lief komt niet af op de rendez-vous,

    G          D7         G
Hun ziele valt brokke verscheên.

G                   D          G
Zeg me nu zere, wat is toch de liefde,

   D                    G
Waarom ga je toch zo te kere,

    C                               G
Met smachtende stemme en 't groot orkest,

                           D
Ach zeg het of zing het me zere,

                   C              G
Is 't waar komt de liefde bij maneschijn,

      A7                       D   D7
In de liedjes is dat lijk de gewente,

   G                                   C
Of komt z'even goed binst dat 't water giet,

         G            D7           G
Komt ze 's winters of komt z'in de lente.

G                         D           G
Komt ze nu 's nuchtens of komt z'over dag,

   D                              G
's Noens binst of juist achter ’t eten,

       C                               G
Bij 't vallen van 'n avond of diep in ’n nacht,

                                D
Ach 'k ben doodkurieus om 't te weten,

                 C                  G
Ze zeggen dat je dan joen eten laat staan,

      A7                       D   D7
En de grootsten zuiplap drinkt water,

       G                               C
Als de liefde hem heel onverwachts overvalt,

  G                D7         G
Bezwijkt zelfs den heiligsten pater.

G                              D          G
Ze komt van z'n eigen lijk nen dief in de nacht,

       D                             G
En den enen dag is niet slechter dan ’n anderen,

      C                                 G
En ze komt nog liefst als je ze niet verwacht,

                              D
Ne mens kan daar niets aan veranderen,

              C                          G
Der zijn geen regels, geen wetten d'r is niets,

A7                     D   D7
Niets kan de liefde forceren,

    G                                        C
Der is zelfs geen leeftijd speciaal voor voorzien,

      G           D7            G
Ieder jaar is goe jaar om 't te leren.

G                             D     G
Kijk 't gaat al veranderen al dat bestaat,

         D                       G
't Staat omme, 't keert onderste boven,

          C                                    G
't Draait buitenste binnen 't slaat al op zijn kop,

                                       D
Die 't niet meemaakt kan 't moeilijk geloven,

                 C                       G
Ach laat ze maar zingen van 't vaderland weg,

       A7                       D   D7
Van de liefde met de krop in de kele,

      G                                     C
Zingt honderdduizend liedjes met 't groot orkest,

         G        D7        G
't En is nog geen liedje te vele.