Bläck Fööss – Unser Bäumche (Guitar)

E                                             B
Hellichovend kom eran, d’r Papp, dä wor op Jöck,

                                                 E
de Mamm hatt üvverall jesök un sat: „Wo es dä Jeck?

                                                 A
Do feel ihr en, hä mot jo noch e Bäumche kaufe jon,

                 E               F#                        B
op Hellichovend, typisch Schäng, wä wollt, sollt dat verston.

E                                                       B
Et wooten vier, et wooten fünf, de Dämmerung trok ald op,

                                                         E
do kom jet Kleines, krumm un scheif, de Stroß zom Hus erop.

                                                         A
Ich hatt en dann als eets erkannt un reef:“Et Bäumche kütt!

                      E            F#                      B
De Mamm, die sat, als sie et soch: Mein Jott, dat jitt et nit!

      E                 B
Unser Bäumche, oh Tannenbaum,

                           E  A  B
unser Bäumche, dat wor nen Draum!

      E                   C#m
Unser Bäumche verjeß ich nie,

         F#m             B                      E
nä su ne schöne Baum wie dä, krijje mer niemols mih.

E                                                   B
Dä Papp, dä wor janz stolz un sat:“Es dä nit wunderschön?

                                                  E
De Mamm, die wor am laache: Jo winnichstens es hä jrön.

                                                   A
Dat Bäumche wor noch nit ens huh, dofür unheimlich krumm.

                  E                     F#              B
De Mamm, die sat: Dat scheife Ding, dat kriß de nie zom Ston.

E                                                        B
D’r Papp janz drüsch: No waat ens af, hä es jo noch janz rüh;

                                              E
wenn do eets alles dran es, erkenns de dä nit mih.

                                                         A
Dat Bäumche links, en Fläsch Schabau rächs unger’m Ärm jeklemmp,

                   E                F#              B
dat wor et letzte, wat ich soh, als hä en et Zemmer jing.

      E                 B
Unser Bäumche, oh Tannenbaum,

                           E  A  B
unser Bäumche, dat wor nen Draum!

      E                   C#m
Unser Bäumche verjeß ich nie,

         F#m             B                      E
nä su ne schöne Baum wie dä, krijje mer niemols mih.

E                                                   B
Die Dür, die schloß hä immer af, et durf im keiner ren,

                                                  E
denn keiner sollt dat Wunder, dat do passierten, sin.

                                            A
Zoeets wor hä am säje, dä Baum wor doch esu klein,

                          E         F#                   B
dann hoot mer‘n plötzlich näle, ich daach, dä Baum jing en.

E                                                      B
En Zick lang wor et dann janz stell, kei Tönche us dem Raum,

                                              E
op eimol hot mer‘n singe, janz laut: Oh Tannenbaum.

                                                     A
Ich jläuv, jetz dät hä en schmöcke met Jlöckcher un esu;

                    E            F#                B
„Es ist ein Ros entsprungen“ kom falsch un vill ze huh.

      E                 B
Unser Bäumche, oh Tannenbaum,

                           E  A  B
unser Bäumche, dat wor nen Draum!

      E                   C#m
Unser Bäumche verjeß ich nie,

         F#m             B                      E
nä su ne schöne Baum wie dä, krijje mer niemols mih.

E                                                      B
Op eimol jov et dann enen Knall, jetz wood et furchbar stell.

                                          E
„Zu Betlehem jeboren“ kom leis met vill Jeföhl.

                                                     A
Noh zwei Stund kom‘e endlich rus, et Schlemmste wor jedonn

                    E            F#                B
ich luurt en an, hä sat och jet, ich kunnt en nit verston.

E                                              B
Öm aach Uhr wor Bescherung, d’r Papp wie immer fit,

                                            E
en singem beste Anzoch, de Mamm em schwatze Kleid.

                                            A
Hä dät mem Jlöckche lügge, dann sunge mer e Leed,

                   E           F#           B
un sochen dann dat Bäumche met Kääze en d’r Eck.

      E                 B
Unser Bäumche, oh Tannenbaum,

                           E  A  B
unser Bäumche, dat wor nen Draum!

      E                   C#m
Unser Bäumche verjeß ich nie,

         F#m             B                      E
nä su ne schöne Baum wie dä, krijje mer niemols mih.

E                                                   B
Et wor noch kleiner als vürher, doch wirklich wunderschön,

                                                 E
stund kääzejrad un nit mih krumm, ein Wunder war jeschehn.

                                             A
Ich hatt e Rädche kräje, mingen allerjrößten Draum,

                   E           F#           B
dann jov et Ovendesse unger däm schöne Baum.

E                                            B
Wat ich dann eets vill späder vun im erfahre han,

                                                   E
vum Papp, dä hück nit mih met uns Chreßdaach fiere kann;

                                                      A
dat wat ich för e Wunder heelt, wor’n zwei Näl en d’r Wand,

                    E                 F#           B
vun do en Kood rund öm d’r Baum, dröm hatt hä feste Stand.

      E                 B
Unser Bäumche, oh Tannenbaum,

                           E  A  B
unser Bäumche, dat wor nen Draum!

      E                   C#m
Unser Bäumche verjeß ich nie,

         F#m             B                      E
nä su ne schöne Baum wie dä, krijje mer niemols mih.