BAP – Bahnhofskino (Guitar)

C                               G
En Naach wie manche, isch lieje wach.

C                                          G
Ne blasse Mohnd, am Chlodwigplatz brems en Strooßebahn.

Dm                                                   G                    
Kaum ze gläuve, dat en (Am) Stadt wie die he och ens still sinn kann,

 Dm                              C                     G    
bloß do es ne Film en mir un dä läuf immer widder vun vörren ahn.

 Dm             C                  B                            F    
Ohne Handlung, Hauptdarsteller,en dämm Film ess jeder Statist, 

Dm                C                                B                        C    
en nem Tunnel, dä "Zuflucht" heiß,doch nur en janz billije Endstation ess. 

C                      G
Ruude Teppich vüür der Rezeption,

C                                                G
un dohinger - wie'n Flunder, su flach - steht ne Zinnsoldat,

Dm                                        G           
dä singe Text joot (Am) drophätt, doch dä kennt mer schon.

Dm                        C                   G    
weiß bloß nit, ob vun nem Steckbreef oder nem Wahlplakat,

Dm                       C                     B                           F    
Paar Schritt wigger läuf russisch Roulett, für Schutzengel, die arbeitslos sinn.

Dm              C                          B                    C  
Dä Revolver, dä rundjeht, ess secher, denn do sinn sechs Kugele drinn.

Dm                      Gm 
Weed et niemieh hell em Parkett?

                 Gm
Saach, ess schon alles ze spät,

        Dm   Am   B    C
en dämm Bahn-hofs-kino?

Dm                          B  
Et jeht e Drohtseil vun nem Minarett,

Dm                                             B  
bess zo nem Dom, dä als Parkhaus verkleidet de Luff ahnhällt.

Dm                                B  
Drop balanciert e leer trojanisch Pääd.

Dm                                                 B  
"Wat soll dat?", brüllt et noch, et et en Zeitlupe runderfällt.

Dm                   Am  
Et weet em Namen des Volkes verwarnt,

        B                       F  
vun nem Henker, dä veitsdanz un tobt.

Dm                 Am  
Einfach falle wöhr unverantwortlich,

B                      C
mer sööße all em selve Boot.

Dm                               B  
Einstein, dä em Schatten vun ner Bomb,

Dm                                            B  
Rotz un Wasser flennt, weil och he keiner ihm nöherkütt

Dm                                     B  
un ihm beim Kreuzworträtsel hilf, beim letzte Woot:

Dm                                      B  
-afrikanischer Fluß mit drei Buchstabe- fingk er nit.

Dm             Am  
Vun Berg Sinai kütt övver Fernschreiber

B                   F  
jetz jraad et elfte Jebot,

Dm                 Am            B
während Dürer die apokalyptische Reiter

          C
noh Zahle buntmohlt.

Dm                      Gm 
Weed et niemieh hell em Parkett?

                 Gm
Saach, ess schon alles ze spät,

        Dm   Am   B    C
en dämm Bahn-hofs-kino?

Dm                                          B  
Castaneda, Karl May, Brecht, Wilhelm Busch, Chuck Berry un Fritz Lang

Dm                               B  
Dä ewije Verlierer waach alles,  setz op Null un spreng die Bank.

Dm                                 
Et räänt Petrodollar, Silberlinge, Lire, Yen, Peseten,

            B
Drachmen un Deutschmark, die allesammp nit koscher sinn.

Dm
Denn op all dä Münze ess Janus drop,

                            B 
dä ävvens enttarnt woot als pawlowsche Hungk,

Dm
jed zweit Hummelfijürche drieht durch

                               B
un mäht och noch zo jooderletz Stunk.

Dm                         B 
Uss Verzweiflung setz sich Aga Khan

Dm                                        B 
singe joldene Schoss en ner Nische, wo 'n keiner sieht

Dm                                           B 
un schrief met Leppesteff: Midas ess bloß ne Scharlatan

Dm                                B 
op die Scherve vum Spiejel en der Präsidentensuite.

Dm                       Am 
Buster Keaton laach sich halv kapott,

B                           F
weil en immer noch kein Sau versteht,

Gm
denn dat Leech do ahm Eng vun dämm Tunnel

                     C
ess en (B) Panoramatapet.

  C                              G
Dä Morje es grau, do schlööfs en mingem Ärm.

   C                                        G
Dinge Odem jeht ruhig, die Turmuhr schläägt fünfmohl ahn.

   Dm               Am                 G
E Nebelhorn vum Fluß her, noch relativ wigg entfernt

   Dm                    C              G
wie 'n Fanfare zum nähxte, alltächliche Babylon,

   Dm                 C
en dämm Fortschritt Zerstörung bedück,

        B                  F
dat sich affingk met jedem Verlust.

   Dm                    C
Hätt dat Kind en dir wirklich nur'n Changs

         B                  C
wie se 'n Schneeflock hätt, Mitte August?